Dolazi nam Super Mjesec u Blizancima 25.05.

Očekuje nas mlad Mjesec u prvoj dekadi vazdušnog znaka Blizanaca koji teži promjenjivom djelovanju u mentalnom i fizičkom smislu.

Trenutno su Mars i Sunce u znaku Blizanaca, pa je potrebno fokusirati se i organizovano djelovati i usmjeriti energiju na simboliku znaka Blizanaca. Promjene koje budu uslijedile biće u vezi saznanja do kojih se bude dolazilo putem kontakata, putovanja, kretanja, razmišljanja, učenja, obrazovanja i poznanstva.

Potrebna je veća fleksibilnost i prilagodljivost da bi neke naše ideje i zamisli iz prethodnog perioda mogli realizovati putem komunikacije i putem nekih poznanstva.

Dispozitor mladog Mjeseca je Merkur u znaku Bika koji je u narednim danima u povoljnom aspektu trigona sa Plutonom u znaku Jarca, koji može omogućiti dobre i povoljne prilike i situacije u vezi nekih poslovnih kontakata i sa kojim idejama doći do novca i poboljšati svoje finansijsko stanje.

Treba biti realan u svojim mogućnostima i prihvatiti se ozbiljno nekih svakodnevnih pitanja kada je praktična i materijalna strana života u pitanju.

Kod nekih se može pojaviti velika želja za kontrolom kada su novac, materijalne i lične vrijednosti u pitanju u namjeri da objezbede i osiguraju svoju budućnost.

U današnje vrijeme, kada je privilegija imati posao i materijalnu sigurnost sa te strane, do čvrstih, sigurnih i opipljivih rezultata može se doći kroz produktivne i pronicljive ideje koje mogu uticati na profesiju, karijeru i status i dovesti do nekih poboljšanja kada je posao u pitanju.

Uticaj ovog aspekta ne traje dugo( do 1. juna) i dobar je za rješavanje konkretnih, finansijskih, svakodnevnih i praktičnih pitanja. Najviše će povoljan uticaj osjetiti osobe koje u svom horoskopu imaju harmonične aspekte između ovih planeta, naročito u zemljanim znacima.

Međutim, Merkur je dispozitor i tranzitnog Marsa, i može odložiti sprovođenje nekih planova u djelo, što može dovesti do nervoze i napetosti. Mars u znaku Blizanaca u narednim danima formira opoziciju sa Saturnom u znaku Strijelca. Energija, snaga, svako djelovanje i inicijativa (Mars) da se nešto realizuje nailazi na napor, blokadu, ograničenja, odbijanje koje vodi u odustajanje ( Saturn).

Promenjivi mentalni znak Blizanaca može dovesti do dvoumljenja u vezi nekih planova, jer strah može blokirati i uskratiti snagu i hrabrost da se planovi sprovedu u djelo. Neki mogu odustati i povući se jer nedostatak snage i elana vodi u umor, ali i sumnja u dobar ishod isto tako može dovesti do povlačenja.

Osjećaj uskraćenosti,mentalni zamor, povlačenje, patnja, usamljenosti i probleme na mentalnom i zdravstvenom planu. Ovaj aspekt traži opreznost u kretanju, saobraćaju, polaganju ispita, komunikaciji. Ovaj aspekt ima najjače djelovanje do 1. juna, poslije dejstvo slabi. Najviše će dejstvo ovog aspekta osjetiti osobe koje u svom horoskopu imaju aspekte između ove dvije planete ( naročito nepovoljni odnos Marsa i Saturna).

astrolog Jasmina Kurcinak

Poslušajte kako će ovaj Mlad Mjesec djelovati na vaš znak: